Phili 3 | Ndebele | STEP | Elokucina , bazalwane bami, thokozani eNkosini. Ukulibhalela izinto ezifananayo, mina kakungidinisi, kodwa lina kuyaliqinisa.

Philippians 3

UPawuli ubaxwayisa ngokulunga okungokwabantu

1 Elokucina ^a, bazalwane bami, thokozani ^b eNkosini. Ukulibhalela ^c izinto ezifananayo, mina kakungidinisi, kodwa lina kuyaliqinisa.

2 Nanzelelani izinja ^d, linanzelele izisebenzi ezimbi ^e, linanzelele ukusika ^f; 3 ngoba thina siyikusoka ^g, esikhonza uNkulunkulu ^h ngoMoya ⁱ, siziqhenya ^j kuKristu Jesu, njalo singathembeli enyameni; 4 lanxa mina ngilethemba futhi enyameni ^k; uba omunye ecabanga ukuthemba enyameni, mina kakhulu; 5 ngasokwa ^l ngosuku lwesificaminwembili, ngingowohlanga lukaIsrayeli ^m, owesizwe sakoBhenjamini ⁿ, umHebheru wamaHebheru ^o, ngokomlayo umFarisi ^p, 6 ngokokukhuthala ^q ngazingela ibandla ^r, ngokokulunga ^s okusemlayweni ngingasoleki ^t.

Ukulunga okukuKristu kuyinzuzo

7 Kodwa izinto ezaziyinzuzo kimi ^u, lezo ngazibala njengokulahlekelwa ngenxa kaKristu. 8 Yebo isibili ^v, futhi ngikubala konke njengencithakalo ngenxa yobuhlekazi bolwazi ^w lukaKristu Jesu iNkosi yami; okungenxa yakhe ngilahlekelwe ^x yikho konke, njalo ngakuthatha njengezibi, ukuze ngizuze uKristu, 9 njalo ngificwe kuye, ngingelakho okwami ukulunga ^y okuvela emlayweni ^z, kodwa lokho ^aa okungokholo lukaKristu ^ab, ukulunga ^ac okuvela kuNkulunkulu ngokholo; 10 ukuze ngimazi yena lamandla okuvuka kwakhe ^ad, lokuhlanganyela kwenhlupheko ^ae zakhe, ngenziwe ngifuze ^af ukufa kwakhe, 11 uba kungenzeka ngifinyelele ^ag ekuvukeni kwabafileyo.

12 Kangitsho ukuthi sengikubambile ^ah, kumbe ukuthi sengiphelelisiwe ^ai; kodwa ngixotshana lakho, ukuthi futhi ngingakubambisisa ^aj lokho ^ak engabanjisiselwa ^al khona nguKristu Jesu. 13 Bazalwane, mina kangibali ukuthi mina uqobo sengikubambisisile ^am; kodwa kunye engikwenzayo, ngikhohlwa okungemuva ^an, ngizelulela kokungaphambili ^ao, 14 ngigijimela ^ap umzila ngokunxwanela emvuzweni ^aq wobizo lwaphezulu ^ar lukaNkulunkulu kuKristu Jesu. 15 Ngakho sonke esesiphelele ^as, kasikhumbule lokhu; njalo uba licabanga ulutho olwehlukeneyo ^at, lalokhu uNkulunkulu uzalembulela khona ^au; 16 kodwa kulokhu esesifike kukho ^av, kasihambeni ^aw ngesimiso ^ax sinye, sikhumbule intonye ^ay.

UPawuli ubeluleka ngokumlandela

17 Banini ngabahlanganyeli abangabalingiseli bami ^az, bazalwane, njalo baqaphelisiseni abahamba ngokunjalo, njengoba lilathi njengesibonelo ^ba. 18 Ngoba abanengi bahamba, engalitshela kanengi ngabo, lakhathesi ngitsho ngezinyembezi ngithi, bayizitha ^bb zesiphambano sikaKristu; 19 abakuphela kwabo kuyikubhujiswa ^bc, abankulunkulu wabo uyisisu ^bd, lodumo lwabo ^be lusehlazweni ^bf labo, abacabanga izinto zomhlaba ^bg. 20 Ngoba ikithi ^bh isemazulwini ^bi, lalapho ^bj esilindele ukuthi uMsindisi avele khona, iNkosi uJesu Kristu ^bk; 21 ozaphendula ^bl umzimba wethu wobuphansi ^bm, ukuze ufanane ^bn lomzimba wakhe wenkazimulo, njengokusebenza elamandla ^bo ngitsho okwehlisela ngaphansi ^bp kwakhe zonke izinto.